काठमाडौँ, २१ असोज ।
सद्भावना पार्टीका अध्यक्ष राजेन्द्र महतोको घर र पार्टी कार्यालयमा आक्रमणको प्रयास भएको छ । केही युवाले उनको घरमा पुगेर नाराबाजी गर्नुका साथै पेट्रोलको बोत्तल प्रहार गर्न खोज्दा प्रहरीले नियन्त्रणमा लिएको छ । कुनै अप्रिय घटना भएको छैन ।
५५ दिनदेखि नाकाबन्दी गरेर अतिआवश्यक सामान काठमाडौँ भित्रिन नदिएको भन्दै आक्रोषित युवाको समूहले सिनामगंलस्थित महतोको घरमा आक्रमणको प्रयास गरेका हुन् । उनीहरुले राजेन्द्र महतोलाई देशद्रोही भन्दै देशनिकालाको नारा लगाएका थिए । महतोको पत्नी तरकारी किन्न बजार गएका बेला घरमा छोरीमात्र भएको पाइएको छ ।
गौशाला प्रहरीका डिएसपी सुरेन्द्र मैनालीका अनुसार कुनै अप्रिय घटना भएको छैन, स्थिति नियन्त्रणमा छ ।
यस्तै, सद्भावना पार्टीको मध्येबानेश्वरस्थित कार्यालयमा पनि सामान्य तोडफोड भएको छ । युवाले प्रहार गरेको ढुंगाबाट कार्यालयका केही शिशा फुटेका छन् । पार्टी महासचिव मनिष सुमन केहीबेरमा पार्टी कार्यालयमै पत्रकार सम्मेलनको तयारीमा छन् ।
उनको राजधानीमा भत्केको पुल र भिमसेनगोलामा भब्य २ वटा महल रहेका छन् । महतोको आदेशमा बुधबार आन्दोलनकारीले रुपन्देहीका कृष्ण क्षेत्रीको दायाँ हातको चार वटा औँला काटिएर फालिएको अबस्थामा फेला परेपछि आज सोसियल मिडिया समेत उनको चर्को बिरोध भैरहेको छ ।
0 comments:
Post a Comment