हेर्नुस् पृथ्वीनारायण शाहको कीर्तिपुर आक्रमणमाथि बनेको फिल्मको ट्रेलर (भिडियो)

अठारौं शताब्दीको पुर्वार्धमा तत्कालिन गोर्खाका राजा पृथ्वीनारायण शाहले कीर्तिपुर आक्रमण गरेको विषयबस्तुमा बनाइएको फिल्म ‘कीर्तिपुर–द लिजेन्ड अफ कीर्तिलक्ष्मी’ को ट्रेलर रिलिज भएको छ । नेपाली र नेवारी भाषाका लेखक स्व. वासु पासाको उपन्यास ‘भैरवसिंह’ माथि बनेको फिल्मलाई प्रदीप खड्गीले निर्देशन गरेका छन् ।

गोरखा, नुवाकोट तथा काठमाडौं उपत्यकाका विभिन्न ठाउँमा अध्ययन गरी बनाइएको  फिल्ममा करिब दुई सय ५० वर्ष अगाडिको पृष्ठभूमि प्रस्तुत गरिएको बताइएको छ । फिल्मको ९० प्रतिशत भिडियोमा ऐनिमेसन प्रयोग गरिएको छ ।

फिल्ममा पृथ्वीनारायण शाहको भूमिकामा यशराज गरच छन् भने कीर्तिलक्ष्मीको भूमिकामा हिसिला महर्जन छिन् । यसका अलावा लक्ष्मी गिरी, मदनदास श्रेष्ठ, सुरवीर पण्डित, मणि लवट, सुशील राजोपाध्याय, अञ्जला नकर्मी, विनोद श्रेष्ठ, उदय श्रेष्ठ लगायतका कलाकारहरुको अभिनय रहको छ । फिल्ममा हरिशरण सायमीको संगीत,उदय श्रेष्ठको द्वन्द्व, शंकर महर्जन र नविन जोशीको छायांकन रहेको छ ।

करिब चार महिना सेन्सर बोर्डको झमेला बोकेको फिल्म असोज ८ र ९ गते पोखरामा विशेष प्रदर्शनी गरिने भएको छ ।