९ असोज, काठमाडौं । बार्सिलोनाले स्पेनिस ला लिगा फुटबलमा लस पाल्मसविरुद्ध संघर्षपूर्ण जित हात पारेको छ । तर, यो जित उसका लागि निकै महंगो सावित भएको छ ।
शनिबार भएको खेलमा बार्सिलोनाले लस पाल्मसमाथि २-१ गोल अन्तरको जित हात पारेको हो । तर, खेलको तेस्रो मिनेटमा नै स्टार स्ट्राइकर लिओनल मेस्सी घाइते भए । १० औं मिनेटमा उनले मैदान छाडे ।
उनले नजिकैको अस्पताल लगिएको थियो । बार्सिलोनाका अनुसार उनको बाँया घुँडाको लिगेमेन्ट च्यात्तिएको छ । र, उनी अब कम्तिमा दुई साता मैदान बाहिर रहने भएका छन् ।
मेस्सी घाइते भएपछि बाँकी खेलमा बार्सिलोनाका लागि लुइस स्वरेजले २५ र ५४ औं मिनेटमा गोल गरे । ६६ औं मिनेटमा बार्सिलोनाले पेनाल्टी पाएको थियो । तर, नेयमारको प्रहार आकासियो ।
खेलको ८८ औं मिनेटमा लस पाल्मस एक गोल गरेपनि हार टार्न सकेन ।
0 comments:
Post a Comment