भारतीय नाकाबन्दीपछि तातोपानी र रसुवागढी नाका खोल्न चीनको तिब्रता

  भारतले नेपालको आन्तरिक मामलामा हस्तक्षेप गर्दै अघोषीत नाकाबन्दी गरेपछि मित्रराष्ट चीनले नेपालसँगको प्रमुख नाका खोल्न काममा तिब्रता दिएको छ ।  नेपालको मधेसमा भइरहेको आन्दोलनमा अनावश्यक चासो दिंदै भारतीय कुरा लाद्न खोजेपछि देशभर भारत बिरुद्ध आक्रोश र प्रदर्शन भइरहँदा भूकम्पका कारण अवरुद्ध रहेको तातोपानी र रसुवागढी दुवै नाका खोल्न प्रतिबद्धता जनाएको हो ।  नेपालको लागि आवश्यक सबै सामाग्रीको आपूर्ति दुईसाता भित्र सहज बनाउनेगरि चीनले नेपाललाई आवश्यक पर्ने सबै सहयोग गर्ने प्रतिवद्धता समेत जनाएको छ ।  नेपालको आन्तरिक मामला र निर्णयमा सँधै समर्थन र सहयोग गर्दै आएको भारतले भारतीय सुझाव अनुसार नभएकै कारण नेपालको आन्तरिक मामलामा भएको हस्तक्षेपको समेत बिरोध जनाएको छ । चीनले नेपालको नयाँ संविधान घोषणाको स्वागत गरेको छ भने भारतले स्वागतको साटो उल्टै बिरोध गरिरहेको छ ।  चिनियाँ कम्युनिष्ट पार्टी ९सीपीसी० को अन्तराष्ट्रिय विभागमा नेपाल सहित दक्षिण तथा दक्षिण पूर्व एसिया मामिला हेर्ने उपमन्त्री छन फेङस्याङले शुक्रबार बेइजिङमा राजदूत महेश मास्केसँग भएको भेटमा नेपालसँगको नाका खोल्ने कामलाई चीनले पहिलो प्राथमिकतामा राखेको बताएका छन् ।  चीनका प्रभावशाली नेताका रुपमा समेत परिचित उपमन्त्री छनसँगको भेटवार्तामा राजदूत मास्केले नेपालको अहिलेको अवस्थाबारे जानकारी गराउदै तातोपानी र रसुवागढी नाका खोलेर सिमा व्यापार सुचारु गर्न आग्रह गरेको बताइएको छ ।  जवाफमा चीनले दशैं अघि नै नाका खोलेर व्यापार सहज बनाउनेगरी काम अघि बढाउने प्रतिबद्धता जनाएको छ । चीनले आवश्यक परेमा लत्ताकपडा बाहेक आवश्यक सबै खाद्यान्न आपूर्ति गर्न समेत तयार रहेको बताएको छ ।
CHINA has done great job...